Muqdisho(SONNA):-Ciidanka Daraawiishta Puntland ayaa gacanta ku dhigay ilaa sagaal diyaaradood nooca looyaqaan Drone-ta oo isugu jira kuwa wax basaasa iyo kuwo ay qaraxyo ku rakiban yihiin una diyaarsanaa inay is qarxiyaan.
Qabashada Diyaaradahaan ayaa suurta gashay kadib dagaal kooxda Khawaraajita ee daacish iyo ciidanka dalka dhex marey, waxaana sidoo kale ciidanku la wareegeen goobo ay kooxaha cadowga kasoo duuli jireen.
Gobolka Bari waxaa si xowli ah uga socda howlgalka hilaac ee ciribtirka kooxda argagixisada ee Daacish oo kuu dhuumalaysta buuralayda fog ee Calmiskaad.
Maalintii shalay aheyd ayaa halkaas lagu khaarajiyay in kabadan 20 khawaarij ah oo ka tirsan Daacish, kuwaas oo ay ku jireen 4 ajaaniib ah sida uu sheegay taliska ciidanka Daraawiishta Puntland.
