Muqdisho(SONNA):-Kooxda naxariista daran ee khawaariijta Al-shabaab ayaa wajahaya cabsidii ugu darnad ka dib markii jab xooggan ay kala kulmeen howlgallada ka dhanka ah, taas oo sababtay in kala shaki weyn uu soo kala dhex galay Horjoogayaasha Sar sare ee Maleeshiyada khawaarijta.
Horjoogayaasha ugu sareyso khawaarijta ayaa lagu soo roggay xanibaad iyo in aysan isaga gudbi karin degaannada ay ku dhuumaaleysanayaan taas oo kaga timid Horjoogaha dhagarta badan ee Mahad kartaay oo doonayo in uu ballaariyo awoodiisa si uu ula wareego xukunka iyadoo xaalad adag ku sugan yahay Horjooge Axmed Diiriye.
Horjoogayaasha la go’doomiyay waxa kamid ahaa horjoogaha sameynta badan ku dhex leh kooxda khawaarijta Xasan Afgooye oo kasoo jeeda xaafadda damalay ee degmadda Afgooye,horjooge Xasan ayaa ka mid ahaa kuwa u qaabilsanaa lacagaha baaada ah ee khawaariijtu ka dhacdo shacabka sidoo kalena wuxuu ka mid ahaa horjoogeyaashii ugu dhowaa horjoogihii kooxda ee la dilay Axmed Godane,hadda wax uu horjooge Xasan go’adoon ku yahay oo uusan dhaafi karin degmada Jilib ee gobolka Jubada dhexe.
Horjooge Farxaan Kaahiye oo kasoo jeeda degmada cadaado ee gobolka Galguduud horay na u noqday horjoogihii ugu sareeyey waxa ay khawaariijta ugu yeeraan jabhadda,Farxaan ayaa ka mid ahaa horjoogayaasha khawaariijta kuwooda ugu dhagarta badan waxa uu hoggaamiyey weeraro argagixiso oo shacab Soomaaliyeed ku naf waayeen,waxa uu hadda ku go’adoonsan yahay degmada Jilib ee gobolka Jubadda dhexe.
Horjooge Nuur Dheere oo ka soo jeeda degaanka Bacaadweyn ee gobolka Mudug ayaa ka mid ah isna horjoogeyaasha kooxda khawaariijtu go’adoomisay isagoi hadda go’adoon ku ah degmada Kuunyabarow ee gobolka Shabeellaha hoose,sidoo kale Horjooge Ismaaciil Cosob oo kasoo jeeda degmada cadaado oo mar horjooge u ahaa kooxda khawaariijta u fulisa dilalka gaadmada ah iyo weerarada Argagixiso Khawaariijta uga fulisa gobolka Banaadir ayaa isna hadda go’adoon ku ah gobolka jubadda Dhexe.
Marka laga soo tago horjoogayaasha Soomaalida ee lagu soo rogay go’adoominta waxa kale oo iyaguna jira horjoogayaal ajaaniib ah oo kooxda khawaariijtu kusoo rogtay go’adoomin waxana ka mid ah horjooge Muuse Muhaajir oo kasoo jeeda magaalada Mambaasa ee dalka Kenya,waxa uu hoggaamiyey weeraro argagixiso oo khawaariijtu ka fuliyeen guddaha dalka kenay,waxa uu hadda go’addoon ku yahay oo uusan dhaafi karin gobolka jubadda hoose Muhaajir ayaa ka mid ah horjoogayaasha sida weyn ay ugu raad joogto Dowladda kenya iyo Dowladdaha gobolku.
Horjooge macalin Jiinaw oo kasoo jeeda deegaanka Xawaal Barbaar ee gobolka Baay isla markaana ahaa horjoogihii kooxda khawaariijta ee gobolada Baay iyo Bakool marar badana hoggaamiyey weeraro kooxda khawaariijtu ka geysatay goboladan ayaa ka mid ah horjoogayaasha go’adoominta lagu soo rogay.
Horjooge Maxamed Aalla Suldaan oo ka soo jeedo Magaalada Burco ee gobolka togdheer ayaa kamid ahaa ragii aadka ugu dhawaa horjooge Axmed Cabdi Godane,waxa una door kulahaa in maleeshiyaad badan oo kayimid gobolka waqooyi Galbeed ay ku biiraan khawaarijta Alshabaab,balsa hadda waa howlgab aan meelna u dhaqaaqi karin isaga oo aad looga shakisan yahay.
tillaabadaan howlgabka iyo go’doonka looga dhiggay horjoogayaasha khawaarijta ayaa imaanayo kadib markii khawaarijtu ku jabtay howlgallada guud ee dalka looga saarayo khawaarijta iyo kala shaki xooggan oo soo kala dhaxgalay horjoogayaasha ugu Sareysa khawaarijta.
Xayiraadani lagu soo roggay Horjoogayaasha daacadda u ahaa Maleeshiyada khawaarijta ayaa sameeysay noloshooda gaarka ah, iyagoo aan kulmi karin,safri karin oo aan xitaa isticmaali karin taleefanadooda gacanta,tan ugu daran ayaa ah in xitaa aysan xaasaskooda la kulmi karin oo aysan tagi karin goobaha ay joogaan iyagoo badankood horjoogayaashasi leh Afar xaas,waxa ayna tani muujineysa bur-burka khawaarijta iyo In ay ku jabeen howlgallada ka dhanka ah khawaarijta ee ka socda guud ahaan gobolada dalka.
