Wasiirka Difaaca Israa’iil Yoav Gallant ayaa u sheegay la taliye Jake Sullivan oo ka socda mareykanka in milatariga Israa’iil ay u baahan yihiin wax ka badan dhowr bilood si ay uga adkaadaan ururka Xamaas oo illaa hadda dagaallo culus ka wada aagagga ay ka imaanayaan weerarada ciidamada Israa’iil.
Wasiirka ayaa intaa ku daray in dagaalada ay ka wadaan Gaza ay qaadan doonaan waqti dheer,iInkasta Maraykanka uu Israa’iil cadaadis ku saarayo in muddo gaaban ay ku soo afjaraan dagaalka.
“Madaxweyne Biden ayaa doonaya in Israa’iil ay diiradda saarto sida loo badbaadiyo nolosha dadka rayidka ah” sidaasi waxaa yiri la taliye Jake Sullivan oo la kulmay r/wasaare Netanyahu.
Dhinaca kale ciidamada Israa’iil ayaa saacadihii u dambeeyay weeraro ka geystay Jenin iyo deegaanno kale oo ka tirsan Marinka Gaza,halkaas oo ay ku dileen 11 Falastiiniyiin ah.
Ugu yaraan 18,787 falastiiniyiin ah ayaa lagu dilay weerarrada Israel tan iyo 7-dii Oktoobar.
