Muqdisho(SONNA):-Horjooge Cali Caraay wuxuu ka mid ahaa Dadka deegaanka Masjid Cali Gaduud,sida ay dadka deegaanku xaqiijiyeen Cali ma lahayn wax Aqoon Diini iyo Maaddi ah balse markii ay deegaanka soo galeen kooxaha khawaariijta ayuu ku kadsoomay fikirkooda gurracan iyadoo mudo ka dib khawaariijtu u magacaabeen Waxay ugu yeedhaan Naaqib ama Nabaddoon sidoo kalena ah u qaabilsanaha deegaanka Masjid Cali gaduud ee kooxda khawaariijta, shaqada uu u hayey ma ahayn mid Nabaddoonimo ee waxay ahayd mid uu dhagar iyo halaag daran uu ugu geystay bulshadda ku nool deegaanka uu horjooggaha uga ahaa khawaariijta.
Dhibaatooyinka uu geystay waxa ka mid ahaa horjooge Cali caraay wuxuu wuxuu burburiyey haykalkii oday dhaqameedka deegaanka laga yaqanaay isagoo ku xukumay qaar a dil qaarna kusoo rogay xukunka xoollo aanay iska bixin karin taas oo sababtay in odayaashii dhaqanka ee deegaanku ka firxadaan deegaanka iyagoo qaarkood u soo baxsaday Muqdisho iyo goboladda kale ee dalka,takrifalka awoodeed ee gurracan ee uu sameeyey waxa ka mid ah sida Dadka deegaanku u sheegeen Wakaaladda Wararka ee SONNA in xukuno dil ah oo uu xukumay la fuliyey laguna fuliyey dad shacab ah oo waxba galabsan,dadka la dilay waxa ka mid ahaa nin safar ahaa oo deegaanka Wargaadi lagu dilay laguna duugaay deegaanka ka dib uu Cali Amar ku bixiyey in maydka laga bixiyo deegaanka isagoo diyadii/magtii ninka ku xukumay in beesha wargaadi degan bixiyaan.
Dhacdooyinka kale ee murugadda leh waxa ka mid wuxuu beelaha deegaanka kusoo rogay lacago baad ah in ay bixiyaan sidoo kale beelaha ka dhego adayga amaradiida ayuu ku xukumay in ay gaalo yihiin hantidoodana wuu boobi jiray isagoo xalaalaysanaya,dadka deegaanku waxay SONNA u xaqiijiyeen in uu haystay Xoollo uu xoog kaga qaaday dadka deegaanka sidoo kale wuxuu hanti uu leeyahay ka dhistay dhul uu xoog kaga qaaday dadkii lahaa,dhagaraha Cali Caraay intaas kuma eka ee waxa kale oo uu caan ku ahaa inuu xoog ku kaxaysto Haweenka isagoo u kala eegaynin mida xaaska ah iyo mid madaxbanaan guddoomiyaha ururka haweenka gobolka ee Banaadir guddoomiye Jawaahir baarqab oo ka mid ahayd dadka booqday deegaanka masaajidka Cali gaduud ayaa Radio muqdishu mar ay waraysi siinaysay waxay tiri” wax aan ku aragnay meeshaa wax anshaxa islaamka ka baxsan,waxay dhibaato weyn u geysteen dadka deegaanka waxay faafin jireen kutub ay ku qoreen fikirka xagjirka ah,wax aan aragnay masaajid ay beddeleen goob ay ku fidiyaan fikirka gurracan ee khawaariijta,halka uu Caraay fadhiisan jiray waxa ku aragnay irbadaha daraagiska ah,waxa yaalay taabuu iyo quraarado laga cabay khamro” guddoomiye jawaahir ayaa sidoo kale sheegtay in dadka deegaanka lagu soo rogay cuno qabatayn ganacsi.
Sidoo kale Dhacdooyinka murugadda badan ee uu geystay waxa ka mid ahaa inuu gubay Baabuurta jidka maraysay sidoo kale waxa uu aad u dhibi jiray dadka safarka ah ee isticmaala waddooyinka dhex mara deegaanka.
Saalax Cumar Xabeeb oo mid ah saraakiisha deegaanka ayaa warbaahinta Qaranka u sheegay in deegaanka Masjid Cali gaduud hadda yahay mid nabddoon dadka deegaankana noloshoodu kasoo kabanayso dhibkay kooxda khawaariijtu gaarsiisay.
