Guddoomiyaha Gobolka Banaadir Mudane Xasan Maxamed Xuseen (Muungaab) oo ka hadlay xaflad ka dhacday Degmada Hodan ayaa sheegay in dowladda ay ka go;an tahay sidii loo qaban lahaa doorashooyin qof iyo cod ah oo ka dhaca gudaha dalka Soomaaliya.
Guddoomiyaha Gobolka waxa yy xusay in Magaladaan Muqdisho ay hormuud u noqon doonto qorshaha dowladda ee ku saabsan in deegaanada dalka laga hirgaliyo maamul ay soo doortaan shacabka oo ka taliya danahooda.
“Muwaadin kasta waxa uu xaq u leeyahay in uu helo xuquuq uu wax ku dooran karo ama lagu dooran karo”ayuu yiri Guddoomiyaha Gobolka Banaadir Mudane Muungaab.
Dhinaca kale,guddoomiyaha gobolka ayaa caddeeyay in caasimadda Muqdisho laga bilaabi doono mashaariic horumarineed oo wax u taraya bulshada iyo kuwo kale oo lagu hagaajinaayo waddooyinka ku burburay roobabka ka jira caasimadda Muqdisho.
