Muqdisho(SONNA):-Guddoomiyaha Maamulka Gobolka Banaadir ahna Duqa Muqdisho, Dr. Xasan Maxamed Xuseen (Muungaab), ayaa Sabtida maanta ah hoggaamiyey munaasabad lagu wareejinayey qalab caafimaad oo loogu talagalay 16 Xarumood oo ku yaalla degmooyinka Gobolka Banaadir.
Guddoomiyaha Maamulka Gobolka Banaadir ahna Duqa Muqdisho, Dr. Xasan Maxamed Xuseen (Muungaab), ayaa munaasabadda ka sheegay in qalabkan caafimaad uu yahay mid muhiim u ah horumarinta tayada adeegyada caafimaadka, gaar ahaan hooyooyinka, carruurta iyo guud ahaan bulshada nugul. Waxa uu xusay in Maamulka Gobolka Banaadir uu mudnaan gaar ah siinayo caafimaadka dadweynaha, islamarkaana uu sii xoojin doono taageerada xarumaha caafimaadka ee degmooyinka.
Ugu dambeyn, Guddoomiyaha Maamulka Gobolka Banaadir ahna Duqa Muqdisho, Dr. Xasan Maxamed Xuseen (Muungaab), ayaa waxa uu faray maamullada degmooyinka iyo madaxda xarumaha caafimaadka in si hufan oo mas’uuliyad leh loo isticmaalo qalabka la wareejiyey, si ay si toos ah uga faaโiideystaan shacabka ku nool 16-ka degmo ee looga qoondeeyay degmooyinka Gobolka Banaadir.
