Gudoomiyaha Baarlamaanka Galmudug Dr Maxamed Nuur Gacal iyo Xubno Ka Tirsan golaha wasiirada maamulkaasi, ayaa ka qeyb galay kulan ka dhacay magaalada Gaalkacyo oo lagu muujinayay wax soo saarka gobalka iyo doorashada hoggaanka iskaashatooyinka beeraleeyda.
Qabanqaabada kulanka oo uu gacan weyn ka geystay taaba galkiisa gudoomiye ku xigeenka Gudiga beeraleyda iyo wax soo saarka Baarlamaanka Galmudug Maxamed Xuseen Tahliil,waxaa kaloo ka qeybgalay ganacsato waxgarad iyo qeybaha kala duwan ee bulshada galkacyo .
Kulanka ayaa intii uu socday lagu doortay hogaanka iskaashatooyinka beeraleyda gobalka kadib codeyn ay sameeyeen gudiga iskaashatada beeraleyda gobalka iyadoona halkaasi lagu doortay gudoomiye iyo gudoomiye ku xigeen waxaana loo doortay gudoomiyaha iskaashatooyinka beeraleyda gobalka Cali Cabdul Aadan (Daacad) halka gudoomiye ku xigeena loo doortay C/qaadir C/llaahi Aadan (Xusuleey).
Gudoomiyaha Baarlamaanka Galmudug Dr Maxamed Nuur Gacal,xubno ka tirsan golaha wasiirada,baarlamanka Galmudug, waxgarad ganacsato iyo qeybaha bulshada,ayaa ka hadlay kulankaasi,iyagoo soo dhaweeyay qorshaha horumarinta tabcashada beeraha iyo wax soo saarka oo ah kuwa aan horay mudug loogu aqoon ayaa waxaa gunaanadkii ka hadlay wasiirka wasaarada beeraha Galmudug Axmed Nuur Xaaji Iyo Gudoomiyaha baarlamanka Galmudug Dr maxamed Nuur Gacal waxaana ay sheegeen in gobalka mudug ay muuqanayaan guulo la taaban karo oo loo qaaday xagga horumarka wax soo saarka dalka iyagoo dhanka kalana bogaadiyay doorashada hogaanka iskaashatooyin beeraleeyda gobalka mudug
Kulanakaasi waxaa hadallo warbixin ah oo la xiriira ujeedka kulanka iyo baahida keentay,halkaasi ka soo jeediyay Gudoomiyaha doorshada hogaanka beeraleyda gobalka mudug Dr siciid Maxamuud Jimcaale iyo Guddoomiyaha cusub ee iskaashatooyinka beeraleyda gobalka mudug Cali Cabdul Aadan (Cali daacad)
