Muqdisho.SONNAโฆ.Xubnaha Golaha Wasiirrada Xukuumadda Jamhuuriyadda Federaalka Soomaaliya oo maanta yeeshay kulankii toddobaadlaha ayaa ka hadlay doorashooyinka dalka, gaar ahaan kuwa golaha deegaanka ee bishan ka qabsoomi doona caasimadda dalka.
Shirka Golaha Wasiirrada oo uu guddoominayey Raโiisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa lagu ansixiyey wax ka beddelka sharciga Bangiga Dhexe ee Soomaaliya, si loo xoojiyo nidaamka maaliyadeed iyo hufnaanta heyโadaha dhaqaalaha.
Sidoo kale, Golaha ayaa meel-mariyey Xeer-nidaamiyaha Buugga Badmaaxa Soomaaliyeed iyo Hindise-Sharciyeedka Difaaca Qaranka, kaas oo lagu tayeynayo awoodda iyo waajibaadka heyโadaha amniga dalka.
Dhinaca kale,shirkaasi waxaa kaloo lagu ansixiyay Hindise-Sharciyeedka Sharciga Xuquuqda Carruurta , Hindise-sharciyeedka Sharciga Arrimaha Qoyska iyo hindise sharciyedka siyaasadda iyo xeerka Sanduuqa Qaranka ee Horumarinta Waxbarashada (NEDF).
Raโiisul Wasaare Xamsa Cabdi Barre oo ka hadlay shirkaasi ayaa ku ammaanay wasiirrada in iyaga iyo bulshada ay si wanaagsan isku barteen, muhiimna tahay in shacabka iyo dowladda is dhex-galaan, isagoo booggaadiyay dadaalkii ay u galeen in ay qeyb ka noqdaan ololaha doorashada.
Shirkaasi waxaa lagu dhageystay warbixin ku saabsan doorashooyinka golaha deeganka ee gobolka Banaadir,kaas oo uu soo jeediyay Wasiirka Wasaaradda Arrimaha Gudaha.
