Muqdisho (SONNA):- Taliyaha Ciidanka Booliska Soomaaliyeed Jeneraal Sulub Axmed Firin ayaa maanta oo Arbaca ah, hambalyo ku aaddan sannad-guurada 80-aad ee ka soo wareegtay aasaaska Ciidanka Booliska u diray Saraakiisha iyo Ciidammada Booliska Qaranka.
Taliyaha Ciidanka Booliska ayaa yiri: “Waxa sharaf ii ah in aan hambalyo u diro dhammaan Saraakiisha iyo Ciidanka Booliska Qaranka oo ku aadan sannad-guurada 80-aad ee ka soo wareegtay aasaaskii Ciidanka Booliska.”
Taliyaha Ciidanka Booliska Qaranku waxa uu aad uga mahad-naqay heerka uu gaadhsiisan yahay horumarka baaxadda leh ee uu Boolisku ku tallaabsaday iyo dedaalka iyo naf-hurnimada ay muujiyeen rag iyo dumarba.
Taliyaha ayaa sidoo kale ugu mahad-naqay dedaalka hagar la’aanta ah ee ay ugu jiraan u adeegidda muwaadinka iyo ilaalinta ammaankiisa iyo hantidiisaba.
