Muqdisho, February, 9, 2024, Shirkadda diyaaradaha ee Kenya Airways ayaa duulimaadkii u horreyay muddo ka badan labo sanno kaddib maanta ku timid garoonka caalamiga ah ee diyaaradaha Aadan Cabdulle ee caasimadda Muqdisho.
Duulimaadka , oo ahaa nooca ganacsi ee xamuulka (cargo) wuxuu sidoo kale ahaa diyaaraddii u horreysay ee iyadoo ku duulaysa astaanta rasmi ah ee shirkadda qaranka Kenya ka soo degta caasimadda Muqdisho , tan oo sidoo kale bilow u noqonaysa duulimaadyo rasmiga ah oo shirkadda ay ka billaabayso garoonka Aadan Cabdulle.
โ Hayโadda Duulista Rayidka Soomaaliyeed waxaa qayb ka ah qorshaheeda inay sare u qaado duulimaadyada caalamiga ah ee imaanaya dalka ,tan oo fursad u siinaysa muwaadiniinta inay helaan duulimaadyo caalami ah.โ sidaa waxaa sheegay Maareeyaha Guud ee Hayโadda Duulista Rayidka Soomaaliyeed , Mudane Axmed Macallin Xasan oo intaa ku daray โ Waxaan ku soo dhaweynaynaa Kenya Airways garoonka caalamiga ah ee Aadan Cabdulle.โ
Hayโadda Duulista Rayidka Soomaaliyeed iyo waaxyaha kale ee shaqo wadaagta la ah ayaa sameeyay horumarinta adeegyada, taa oo sare u qaadaysa duulimaadyada iyo adeegyada kale ee qaranka iyo muwaadiniinta ay helayaan.
