Muqdisho (SONNA) Ciidanka xoogga dalka ayaa maanta howlgallo ka sameeyay deegaano dhaca bariga gobolka Galgaduud.
Ciidamo ka tirsan xoogga dalka oo kaashanaya kuwa dadka deegaanka ayaa howlgallo lagu baacsanayo khawaarijta Alshabaab waxa ay ka sameeyeen inta u dhaxeysa magaalada Masagawaa iyo Baraag Sheekh Caamir ee gobolka Galgaduud.
Ciidanka oo ka ruqaansaday Masagawaa ayaa deegaanada ay tageen waxa ka mid aha Dekedda macmalka ee Ciga oo u dhaw degmada Ceeldheer.
Intii ay howlgalka wadeen ayey ciidanku gaareen tuulooyinka Dhabaqle, Xuseen Xageey iyo Maraay-suuleey.
