Ciidanka xoogga ee ku sugan Gobolka Sh/Hoose ayaa howlgal qorsheysan oo lagu dilay horjoogayaal iyo maleeshiyaad kale oo ka tirsan Al-Shabaab ka fuliyay deegaanno ka mid ah Gobolkaasi.
Ciidanka xoogga oo ka kala yimid dhowr jiho oo kala ah dhinaca xeebta Jasiira iyo dhinaca magaalada Marko, ayaa hawlgal qorshaysan ku qaaday degaanada ay maleeshiyaadka Al-shabaab kaga suganyihiin dhanka xeebta sida Jilib Marka, Gandarshe, iyo Dhanaane,
Ciidamada Xoogga ayaa isku fidiyay wadada dheer ee xeebta ah ee aadda magaalada Marka, iyagoo baacsanaya Argagixisida Alshabaab waxaana howlgalkaan lagu khaarajiyey ku dhawaad 17 ka tirsan maleeshiyaadka Alshabaab iyo horjoogayaal.
Taliyaha Ciidanka Dhulka Xoogga Dalka Jeneraal Cabdixamiid Maxamed Dirir ayaa Idaacadda Ciidamadda Qalabka Sida u xaqiijiyey in horjoogayaasha howlgalka lagu dilay uu ka mid ahaa Axmed Bisle oo Ka tirsan horjoogayaasha sar sare ee maleeshiyaadka Al-shabaab.
Taliyaha ayaa xusay in howlgalka argagixisada lagu gaarsiiyay khasaare xoogan oo isugu jira dhimasho iyo dhaawac islamarkaasna lagu bur buriyay saldhigyo ay ku lahaayeen degaanada xeebta ah
