Masagawaa (SONNA):- Ciidanka Xoogga Dalka ayaa maanta si buuxda ula wareegay magaalada Masagawaa ee Gobolka Galgaduud, ka dib markii ay isaga carareen Khawaarijta.
Wasiir ku-xigeenka Wasaaradda Warfaafinta mudane Cabdiraxmaan Yuusuf Al-cadaala oo ka hadlay guusha ay gaareen Ciidamada Qaranka ayaa yiri: “Masagawaa waa laga Cayriyay Khawaarijta, qaybo badan oo ka mid ah Bariga Galguduudna baacsiga Khawaarijta ayaa ka socda.”
Waxaa sidoo kale gobolka Mudug ka socda howgallo ka dhan ah khawaarijta, iyada oo guulla waaweyn laga gaaray maalmihii la soo dhaafay.
