Afgooye (SONNA):- Ciidanka Xoogga Dalka gaar ahaan Ururka 143-aad ee guutada 14-ka October ayaa galinkii dambe ee shalay ilaa xalay hawlgallo culus oo ka dhan ah Khawaarijta ka wada tuulooyinka kala ah Mareereey, Moordiile, Raqayle iyo Caanoole oo hoostaga deegaanka Sabiid ee degmada Afgooye.
Howgalladan ayaa Khawaarijta looga saaray dhul beereed ay shacabkii lahaa ka hor istaageen inay tabcadaan, iyadoo la burburiyay fariisimo Khawaarijta ku lahaayeen halkaas.
Ciidanka ayaa ku guuleystey inay xaqiijiyaan amniga guud ee tuulooyinka laga saaray argagixisada , waxaana hawlgalkan hoggaaminayay taliyaha ururka 143-aad, guutada 14-ka October ee ciidanka dhulka Gaashaanle Axmed Xasan Siyaad.
Ciidanka Xoogga dalka iyo saaxiibada caalamiga ayaa howlgallo ka dhan ah khawaarijta ka wada qaar kamid ah goballada dalka, iyagoo khaarajiyay horjoogayaal iyo maleeshiyaad ka tirsan Alshabaab.
