Muqdisho.(SONNA):- Ciidamada amniga degmada Howlwadaag ee gobolka Banaadir ayaa howlgal ay sameeyeen ku soo qabtay labo nin oo hubeysan, kuwaas oo loo heysto dhac ay u geysteen dadka deggan xaafadaha degmadaas.
Dhanka kale, ciidanka Saldhigga deegaanka Ceelasha biyaha ee duuleedka magaalada Muqdisho ayaa xalay soo qabtay labo ka mid ah koox ka ganacsata waxyaabaha maanka-dooriya, kuwaas oo laga soo qabtay goob ay ku iibinayay maan-dooriyaha.
Ciidamada amniga ayaa wada howlgalo lagu xaqiijinayo amniga caasimadda lagulana dagaalamayo dadka falalka ammaandari wada.
