Kampala (SONNA)- Shacabka Soomaaliyeed ee ku nool dalka Uganda oo la hadlayay xafiiska Warbaahinta Qaranka Kampala ayaa sheegay in dowladda Soomaaliya ee uu horkacayo Madaxweynaha Jamhuuriyadda Federaalka ee Soomaaliya Mudane Maxamed Cabdullaahi Farmaajo ay sameysay waxqabad muuqda oo oo bulshada Soomaaliyeed indhahooda ku arkeen.
Cabdiwahaab Sheekh Ibraahin oo ka mid ah dadka Soomaaliyeed oo Kampala dagan ayaa sheegay in Soomaaliya dowlad ka jirtay 8 Febraayo 2017 hasayeeshee uu jiray habacssnaan iyo dowladda oo aan u dhisnayn ciidan Qaran oo dalka cadowgabka difaaca, iyadoo hadda muuqato in ciidankii Xooga Dalka Soomaaliyeed maanta dib u habayn iyo tirakoob rasmi ah lagu sameeyay ayna heleen xuqiiqdii ay xaqqa u laheen.
Samadoon Cumar oo ka mid ah Soomaalida Uganda dagan ayaa sheegay dowladda Soomaaliya ku bogaadiyay shaqada Qaran ee Dalka iyo Dadka u qabteen muddadii seddexdii sano ee shaqaynaysay, isagoo xusay in waxqabadka laga xusi karo guulaha ay kasoo hoysay xariirka Arrimaha Dibadda iyo in dowladda loo madax baneeyo howlaheeda gudaha.
Cabdifataax Cabdullaahi Xasan ayaa dhankiisa sheegay in Madaxweyne Farmaajo lagu xasuusan doono soo noolayntii iyo dib u dhiskii uu ku sameeyay goobahii taariikhiga ahayd sida taalooyinkii dhawaan Xamar laga hirgaliyay iyo in ilaa hadda aysan jirin shaqaale dowladda ah oo aan mushaar qaadan.
Canab Cabdullaahiย ayaa sheegtay in ay aad ugu faraxsan tahay waxqabadka muuqdo ee dowladdeena qabatay ee uu horkacayo Madaxweynaha Jamhuuriyadda Soomaaliya Mudane Maxamed Cabdullaahi Farmaajo, una rajaysay in inta u dhiman waxqabad intan ka badan sii qabato.
Ugu dambeyntii shacabkan oo aad u badan oo la hadlay Warbaahinta Qaranka ayaa dhammaan u sheegay in ay dowladda aad ula dhacsan yihiin waxqabadka ay sameysay muddadii ay jirtay.
