laba askari oo horay uga tirsanaa ciidamadii Serbiya ayaa shalay lagu xukumay min sided sano oo xarig ah ,ka dib markii lagu soo eedeeyay in ay dambiyo dagaal ay ka geysteen magaalada bariga Foca sanadkii 1992,halkaas oo lagu xasuuqay dad muslimiin ah oo u dhashay Bosniya.
Maxkamad ku taal Bosnia iyo Herzegovina ayaa xukuntay in Radovan Paprica iyo Slavko Ognjenovic, oo ka mid ahaa ย ciidamadii Seerbiya intii lagu guda jiray dagaalkii Bosnia ee sanadihii 1992-1995, ay fuliyeen dambiyo ka dhan ah bini’aadanimada.
Bayaanka maxkamada ayaa lagu sheegay in Paprica iyo Ognjenovic ay kaqeyb qaateen weeraro qorshaysan oo lagu qaaday dadka rayidka ah ee Bosniya, isla markaana ay galeen dambiyo xadgudub ah sida galmo iyo xasuuq.
Ku dhowaad 3-kun oo rayid ah ayaa lagu dilay magaalada Foca iyo agagaarkeeda,iyadoo sidoo kale la gubay ย guryo iyo masaajidyo
