Muqdisho(SONNA):-Agaasimaha Guud ee Wasaaradda Warfaafinta Dhaqanka iyo Dalxiiska Mudane Cabdillaahi Xayir Ducaale ayaa maanta Magaalada Mogadishu Tababbar uga furay in ka badan 20 xubnood oo ka kala socday Wasaaradda Warfaafinta,Taliska Ciidanka Xoogga iyo Taliska Ciidanka Booliiska Soomaaliyeed,tababbarkan ayaa socon doona mudo saddex cisho ah.
Tababbarkan ayaa ku saabsan dabagalka xogaha iyo la dagaalanka Wararka kooxaha Khawaarijtu ku faafiyaan Warbaahinta kala duwan,Agaasimaha Guud ayaa xusay in tababbarkan kaalin weyn ka qaadanayo dagaalka Dalka looga xoraynayo kooxaha khawaarijta.
Agaasimaha guud ee Wasaaradda Warfaafinta ayaa ka qayb galayaasha tababbarkan kula dardaarmay in ay ka faa’iidaystaan tababbarkan oo muhiim u ah la dagaalanka wararka iyo fikradaha gurracan ee kooxa Khawaarijta ku fidiyaan Baraha Bulshada.
