Muqdisho (SONNA): Wasiirka Wasaaradda Isgaarsiinta iyo Teknolojiyadda, Mudane Xildhibaan Maxamed Aadan Macallin Soomaali, ayaa maanta si rasmi ah xilka ugu kala wareejiyey Agaasimihii hore ee wasaaradda mudane Cabdicasiis Duwane Isxaaq, iyo Agaasimaha Cusub mudane Faarax Cabdinuur Axmed, munaasabad ka dhacday xarunta wasaaradda.
Munaasabadda xil wareejinta ayaa waxaa ka qeyb galay agaasime waaxeedyada, lataliyeyaal iyo qaar ka mid ah shaqaalaha wasaaradda, kuwaas oo ka markhaati kacay dadaalkii iyo hoggaamintii Agaasimihii hore.
Agaasimaha cusub oo goobta ka hadlay ayaa ballan qaaday inuu sii amba qaadi doono howlaha horu-tabinta uleh wasaaradda, si loo gaaro wax qabad la taaban karo.
Wasiir Maxamed Soomaali, ayaa ammaan ballaaran u jeediyey agaasimaha xilka banneeyay mudane Cabdicasiis Duwane Isxaaq, isagoo ku sifeeyay in uu a soo qabtay shaqo mug leh intii uu xilka hayey. Wasiirka ayaa uga mahadceliyey dedaalkii uu geliyey horumarinta wasaaradda, isagoo xusay in dadaalkiisa iyo hoggaamintiisa ay wax badan ka beddeleen habsami u socodka shaqada.
Dhanka kale, Wasiirka wasaaradda waxa uu dardaaran u jeediyey Agaasimaha Cusub ee wasaaradda isgaarsiinta iyo teknolojiyadda Faarax Cabdinuur Axmed, isagoo kula dardaarmay in uu si hagar laโaan ah u guto waajibaadka loo igmaday, korna u qaado tayada shaqada wasaaradda.
