Muqdisho(SONNA):-Wasiirka Wasaarada Ganacsiga iyo Warshadaha Dowladda Federaalka Soomaaliya, Mudane Gamal Maxamed Xasan, ayaa maanta kulan la qaatay Safiirka Talyaaniga ee Soomaaliya, Mudane Pier Mario Daccò Coppi,
Kulankan ayaa diiradda lagu saaray xoojinta xiriirka ganacsi ee labada dal, kor u qaadista dhoofinta Soomaaliya, iyo horumarinta fursadaha maalgashi ee Soomaaliya, iyadoo la isla gartay muhiimadda ay leedahay in la kobciyo warshadaha dalka, lana abuuro jawi ganacsi oo soo jiidan kara maal-gashadeyaal caalami ah.
Kulanka ayaa sidoo kale ka tarjumayay dadaallada joogtada ah ee lagu xoojinayo iskaashiga caalamiga ah, oo kor u qaadaya horumarka dhaqaalaha dalka.
