Muqdisho-(SONNA)-Agaasimaha Xafiiska Dhiirigelinta Maalgashiga (SOMINVEST) ee Wasaaradda Qorsheynta, Maalgashiga iyo Horumarinta Dhaqaalaha, Mudane Maxamed Dubo ayaa kulan la yeeshay Danjiraha Boqortooyada Sacuudi Carabiya ee Soomaaliya, Danjire Ahmed bin Mohammed Al-Mawlid.
Kulanka ayaa diiradda lagu saaray xoojinta xiriirka maalgashi ee u dhexeeya Soomaaliya iyo Boqortooyada Sacuudiga, iyada oo sidoo kale laga wadahadlay qodobbada istiraatiijiga ah ee lagu horumarin karo iskaashiga labada dal, gaar ahaan dhinacyada horumarinta dhaqaalaha iyo fududeynta maalgelinta tooska ah.
Danjire Ahmed bin Mohammed Al-Mawlid ayaa muujiyay xiisaha sii kordhaya ee shirkadaha Sacuudiga ay u qabaan suuqyada maalgashi ee Soomaaliya, isagoo carabka ku adkeeyay muhiimadda ay leedahay in la helo hannaan u fududeeya shirkadahaas inay si hufan uga hawlgalaan gudaha dalka.
