Muqdisho(SONNA):-Guuleed Axmed Wiliq oo ah qoraaga Buugga Maafiyada Al-Shabaab oo la hadlay warbaahinta Qaranka ayaa faah-faahin dheeri ah ka bixiyey muhiimadda uu ka hadlayo buugiisa, kaas oo khawaarijta dhagarteeda ka hadlaya.
Mudane Guuleed Axmed ayaa sheegay in buuggiisa qeybaha ugu muhiimsan ka hadlaya dhaqaale bur-burka khawaarijta soo gaaray tan iyo 2022 marka Dowladda Federaalka Soomaaliya ku qaatay kooxda guluf dagaal ee kala ah midka dagaalka tooska, kan fikirka iyo midka Dhaqaale, kuwaas oo saameyn la taaban karo ku yeeshay kooxda arxanka daran.
Qoraaga ayaa sheegay in kooxda shacabka Soomaaliyeed dhibaato wayn ku heyso kuwaas oo lacago baad ah ka qaado, iyagoo ka been sheego diinta Islaamka, taasna ay keentay in taariikh mustaqbaleed laga keediyo dhibka kooxda lagana qoro buugaag ka ka hadlaya dhagarta xun ee khawaarijta.
“ Dadka Beeraleyda ah marka dalagga beertaan ayay ku soo fatahaan biyaha wabiga si loogu qasbo inay bixiyaan baadda, taas oo keeneysa in dadku dalagga gudaha ku khasaaraan, balse dowladdu dagaalka ay ku qaaday taas ay hadda hoos u dhigtay, dadkana dareemeen meelaha qaar nabad” ayuu yiri qoraa Guuleed.
Qoraaga ayaa ugu dambeyn tilmaamay in kooxda lumisay boqolaal milyan oo dollar kadib dagaalka dhaqaale ee ay dowladda ku qaaday, isagoona dowladda ku bogaadiyey shaqada wanaagsan ee kooxda laga qabtay, waxuuna ku booriyay dowladda iyo shacabka Soomaaliyeed in Kooxda naf lacaariga ah in la sii dhameystiro maadaama ay joogaan waqti dhamaad ah.
