Xisbiga shaqaalaha Kurdistan ee loo yaqaanno PKK ayaa ku dhawaaqay in ay qorsheynayaan in la kala diro xubnaha xisbiga oo hub ka dhigis lagu sameeyo, taas oo keeni karta in la soo afjaro tobanaan sano oo colaad kala dhaxeysay Turkiga.
Talaabadan ayaa waxaa maanta oo Isniin ah baahisay Wakaalada Wararka ee Firat oo ah warbaahin aad ugu dhow kooxda hubaysan,waxaana warku intaa raaaciyay in ku dhawaaqista arrintaan ay daba socota baaq uu bishii Febraayo ee hotr uu soo jeediyay hoggaamiyaha xiran Abdullah Ocalan.
Kooxda PKK ayaa maalinimadii Jimcaha ee la soo dhaafay soo gabagabeeyay shirweynihii 12-aad ee ka dhacay waqooyiga Ciraaq ,waxayna ku go’aansadeen in la baabi’iyo qaab dhismeedka ururka PKK ,isla markaana la joojiyo habka halganka hubaysan ee kooxdaan.
Kooxda PKK ayaa shaacisay inay gaareen go’aamo taariikhi ah oo keenaya nabad waarta ,iyagoo intaa ku daray in qorshohooda ay dhawaan la wadaagi doonaan qeybaha dadweynaha ee taageera xisbigaasi.
“Haddii go’aanka cusub ee PKK uu noqdo mid si buuxda loo fuliyo, oo la xiro dhammaan xarumaha PKK, waxay tallaabadaasi noqon doontaa isbeddel” ayuu yiri afhayeenka xisbiga talada haya ee AK, sida ay sheegtay wakaaladda wararka ee Turkiga ee Anadolu.
