Wafdi ka socda Dowladda Federaalka Soomaaliya ayaa si buuxdaย uga qeybgashay Madasha Sare ee Shirarka Basel, Rotterdam iyo Stockholm ee ka socda Magaalada Geneva ee Dalka Switzerland,kaas oo oo ah mid caalami ah oo diiradda lagu saarayaa maaraynta suuban ee kiimikooyinka sunta ah iyo qashinka deegaanka waxyeellada u leh.
Waftiga Dowladda Federaalka Soomaaliya waxaa hoggaaminaya Wasiirka Wasaaradda Deegaanka iyo Isbedelka Cimilada, Sareeye Guud Mudane Maxamed Jaamac oo ay wehliyso safiirka dowladda Soomaaliya ee Switzerland, Marwo Khadra Axmed Duule iyo masโuuliyiin sare oo ka tirsan wasaaradda, iyada oo maanta madasha ay ahayd heer wasiirro waxaa looga hadlay arrimo muhiim ah sida wasakhawga, dhaqaalaha wareega iyo maalgelinta mashaariicda deegaanka iyo isbadlaka Cimillada.
Wasiirka Bashiir Maxamed jaamac ayaa hoosta ka xarriiqay daddaalada wax-ku-oolka ah ee Soomaaliya ay ka gaartay qodobada kala ah; Maareynta Wasakhawga, Ilaalinta Deegaanka, dajinta Siyaasadaha iyo Sharuucda mudnaanta u leh dalkeenna sidii loo dhameystiri lahaa iyo Istaraatijiyadda Horumarinta ee wasaaradda ku aadan deegaanka, isbadalka Cimillada iyo maareyntaย halbeegyada kala duwan.
Sidoo kale, kulamo doceedyo muhiim ah ayuu wasiirka la yeeshay hayโadaha caalamiga ah sida; UNEP,ย FAO, GCF, GEF iyo Bangiga Adduunka si loo xoojiyo iskaashiga farsamo iyo dhaqaale ee lagu horumarinayo kaabeyaasha deegaanka iyo xoojinta awoodda qaran ee la tacaalida qashinka halista ah.
Ka-qaybgalka dowladeenna ee madashan caalamiga ah wuxuu caddeyn u yahay dadaalka Dowladda Federaalka ee ku aaddan kobcinta doorka dalkeena ee ka goโnaashaha gaarista deegaanka caalamka, ilaalinta badqabka bulshada iyo difaaca khayraadka dabiiciga ah ee jiilasha hadda iyo kuwa soo socda.
Dowladdu waxay aaminsan tahay in ka-qaybgalka madallada noocan ahi uu yahay tallaabo istiraatiiji ah oo lagu dhisayo sumcadda iyo haybadda dalka, isla markaana horseed u noqon karta helidda fursado horumarineed oo waxtar u leh bulshada Soomaaliyeed
