Muqdisho(SONNA):-Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa maanta xarigga ka jaray 12-waddo oo interlock oo laga fuliyay degmada Warta Nabada, kuwaas oo isku xira waddooyinka Wadnaha, Sodonka, Aadan Cade iyo Xamar Bile.
Maamulka degmada Warta Nabada oo ay guddoomiyaha ka tahay Seynaba Maxamud Warsame (Xaabseey) ayaa fuliyay dhismaha 30 waddo oo ay kamid yihiin 12-kan oo isku xira xaafadaha iyo Waddooyinka mara degmadaasi, kuwaas oo horey ay uga muuqdeen burbur iyo dayac xooggan.
Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa ku bogaadiyay maamulka iyo bulshada Warta Nabada sida is-xilqaanka leh oo ay marwalba uga qeyb qaataan dhismaha waddooyinka iyo horumarinta deegaanka.
