Muqdisho, (SONNA): Madaxweyne Ku Xigeenka Galmudug, Mudane Ali Dahir Eid, oo dhawaan u joogay Muqdisho howlo shaqo, ayaa la kulmay Safiirka Sacuudiga ee Soomaaliya, Ahmed bin Mohammed Al-Mawlid.
Kulanka labada mas’uul ayaa looga hadlay iskaashiga labada dhinac, gaar ahaan arrimaha waxbarashada, dhoofka xoolaha nool, iyo horumarinta biyaha.
Madaxweyne Ku Xigeenka ayaa uga mahadceliyay Safiirka shaqada qiimaha badan ee uu hayay iyo mashaariicda ay Hay’adda King Salman ka waddo guud ahaan dalka, gaar ahaan Galmudug.
Mashaariicdaasi waxaa ka mid ah taageerada biyaha, gargaarka dadka ay abaaruhu saameeyeen, iyo dhismaha iyo dayactirka goobaha cibaadada.
