Hoggaamiyaha Turkiga Recep Tayyip Erdogan oo taleefoon kula xiriiray madaxweynaha Mareykanka Joe Biden ayaa sheegay in dilka Israa’iil ee hoggaamiyaha Xamaas uu dhaawac weyn u geysatay wada-hadalladii xabad-joojinta ee la doonaayey in lagu soo afjaro dagaalka Gaza.
Madaxweynaha ayaa muujiyay in xukuumadda Netanyahu ay dooneyso dabka Gaza inuu ku faafo gobolka,halka R/wasaare Netanyahu uu dhinidiisa sheegay in waddanku uu marayo heer foojignaan ah oo aad u sarreeya ,isla markaana diyaar u ah xaalad kasta.
Hadaladaan ayaa imaanaya xilli ugu yaraan 15 ay ku dhinteen weerar ay Israa’iil ku qaadday iskuul ay gabbaad ka dhiganaayeen Falastiiniyiin soo barakacay,sida ay sheegeen Difaaca madaniga ah ee Gaza .
Dhanka kale,Hogaamiyaha Xisbullah ee Lubnaan Hassan Nasrallah ayaa sheegay in iskahorimaadka Israel uu galay waji cusub ka dib markii la dilay taliyihii dhaqdhaqaaqa Fuad Shukr iyo hoggaamiyihii Hamas.
Ugu yaraan 39480 qof, oo ay ku jiraan 16,314 carruur ah, ayaa la dilay, 91128 kalena waxaa lagu dhaawacay dagaalka Israa’iil ee Gaza laga soo bilaabo 7-dii Oktoobar ee sanadkii hore.
