Jalalaqsi (SONNA):- Hay’adda Maareynta Musiibooyinka Qaranka Soomaaliyed ee SoDMA ayaa xalay gaadiid sida shixnad gargaar ah gaarsiisay degmada Jalalaqsi iyo tuulooyinka ku xeeran ee Gobolka Hiiraan, iyadoo laga jawaabayo xaaladda adag ee ka jirta magaalada.
Gargaarkaan ayaa dhan 30 gaadiid ah oo sida raashin, waxaana lagu waday in la gaarsiiyo shacabka Soomaaliyeed ee ku nool deegaanadaas, maadaama ay wajahayaan nolol adag ka dib markii uu ku fathay Wabiga Shabeelle.
Maalin ka hor ayey aheyd markii hay’adda SoDMA ay dooni sida shixnad gargaar ah u dirtay Deegaanada Jubbaland, waxaana sidoo kale xusid mudan in gaadiid kuwaan la mid ah ay hay’addu todobaadkii hore u dirtay magaalada Mahadaay.
