Xudur (SONNA):- Xubin ka tirsanaa kooxda Khawaarijta oo lagu magacaabo Cabdi Macallin Cabdulle ayaa maanta Isku soo dhiibey Ciidanka Xoogga Dalka gaar ahaan Qeybta 60aad.
Cabdi Macallin Cabdulle oo Magaciisa afgarashada ahaa (Hamza) ayaa Muddo 5-Sano Khawaarijta u qaabilsanaa Jabhada, wuxuuna ka qeyb qaatey Dagaalo dhowr ah oo ka dhacay deegaano ka tirsan gobollada Baay, Bakool, Galgaduud, Hiraan, Gado iyo Jubbada Hoose.
Cabdi Macallin Cabdulle ayaa la wadaagay Warbaahinta Qaranka In uu abaabul ku lahaa Qorsheynta battilmaameedyada Werarada lagu fuliyo iyo goobaha ciidamada ay ku suganyihiin oo Werarka lagu Qaadayo.
Deegaannada gaarka ah oo uu ka qeyb qaatay weeraro laga fuliyay ayaa ka mid ah:
1. Ceel Lahaley
2. Masagawaa
3. Buulle Burde
4. Jalalaqsi
5. Cowswayne
6. Daaru-nimca
7. Rabdhuure
Cabdi Macallin Cabdulle oo ka waramey sababta ku kaliftey in Khawariijta isaga soo baxo, ayaa ku sheegey dhibaatada ka jirta dhexdooda iyo mid ay u geysaneyaan Shacabka Soomaaliyeed oo aan waxba galabsan.
Ugu dambeyn wuxuu baaq u direy Saaxibadiisa kale ee ka tirsan Khawariijta in ay isaga soo baxaan oo ay Isku soo dhibaan Ciidanka Dowladda.
