Baydhabo(SONNA):-Roobab mahiigaan ah oo ka da’ayey maalmihii la soo dhaafay gobollada Baay iyo Bakool ayaa sababay khasaare xooggan sida wararka ay heshay Wakaaladda Wararka SONNA waxa shalay ilaa saaka Subaxnimadii ka da’ay magaalada Baydhabo Roob xooggan kaas oo sababay in Xaafaddaha magaalada soo galaan Biyo xooggan kuwaas oo kala xiray badi xaafaddaha magaalada,.
Daadadkan ka soo rogmaday isha Baydhabo ayaa gudaha u galay xaafadaha Magaalada waxaana dumay guryo badan oo dad shacab ah ay deganaayeen, barakac xoogleh ayaana saaka ka jira xaafadaha qaar sida uu ku soo waramayo Wariyaha Warbaahinta Qaranka.
Sidoo kale Roobabkan ayaa sidoo kale Sababay in Barakac xooggan oo ka dhacay degmada Xuddur ka dib markii Biyo Xooggan soo galeen Xafaddaha degmada.
Roobabkan ayaa sababay in ay go’do Wadada isku xirta Muqdisho iyo Baydhabo sida uu xaqiijiyey Senator Aadam Cabdinaasir oo ka mid ah Senator-ka Aqalka Sare ee laga soo doorto dowlad gobolleedka Koonfur-Galbeed, isagoo dowladda Federaalka iyo Haya’addaha Caalamiga ugu baaqay in gurmad lala gaaro Shacabka waxyeeladu ka soo gaartay Roobabka.
