Hiiraan(SONNA):-Ciidanka Xoogga Dalka Soomaaliyeed oo kaashanaya saaxiibadoodooda Caalamiga ah ayaa hawlgal Qorshaysan ka fuliyay deegaanka Qoob Yaxaaas ee Gobolka Hiiraan sida ay xog ku heshay Wakaaladda wararka SONNA.
Hawlgalkan ayaa waxaa lagu beegsaday Xarun wayn oo Khawaarijtu ay ku lahayd deegaanka,Xilliga uu hawlgalku dhacayay Goobta waxaa shir uga socday Kooxo Khawaarij ah oo ay ku jiraan horjoogayaal.
Ciidanka Xoogga iyo saaxiibadood waxa ay ku guulaysteen in ay burburiyaan goobtii isla markaana halkaas lagu laayo maleeshiyaadkii ku shirayay, waxaana sidoo kale la gubay labo gaari oo ay wataan horjoogayaashii Khawaarijta ee halkaas joogay.
Tirada dhimashada iyo dhawaaca ee soo gaaray Khawaarijta waxaa ku socota qiimayn waana idinla wadaagayna dhowaan.
