Todobo hoggaamiye oo Afrikaan ah ayaa howlo nabadeed u tagaya Dalalka Ukraine iyo Ruushka, iyagoo rajeynaya inay soo afjaraan dagaalka ka socda halkaas.
Wafdiga ka socda Koonfur Afrika, Masar, Senegal, Kongo-Brazzaville, Comoros, Zambia, iyo Uganda ayaa manta oo Jimco ah la kulmaya Madaxweyne Volodymyr Zelensky ,halka Madaxweyne Vladimir Putin ay la kulmi doonaan maalinimada Sabtida.
Wakhtiga booqashada madaxdaasi ka socota Afrika ayaa ku soo beegmay xilli Kyiv ay qaadayso weeraro xooggan oo rogaal celis ah oo ay ku qaadayaan ciidamada Raashiya.
Dalalka Koonfur Afrika iyo Uganda ayaa loo arkaa inay u janjeeraan dhanka Ruushka, halka Zambia iyo Comoros ay u dhow yihiin Galbeedka. Masar, Senegal iyo Congo-Brazzaville ayaa si weyn dhexdhexaad uga aha dagaalada u dhaxeeya Raashiya iyo Ukrine.
