Muqdisho(SONNA):-Shiddadii Khawaariijta waxa beddelay shumac Xoriyaddeed.
Kooxda khawaariijta ee gabalkeedu dhacay oo ku caan ah in ay ku tacadido shacabka Soomaaliyeed sidoo kale kula kacdo xasuuq,dhac iyo cadaadis ay kaga qaado xoriyada ayaa dhowaan laga xoreeyey Tuulada Cali Ganey oo ka tirsan gobolka Hiiraan qiyaas 50Km ahna u jirta caasimada gobolka ee Beledweyne.
Warbaahinta qaranka oo booqasho u kuur gelid xaaladda nololeed ee deegaanka ah ku tagtay ayaa shacabka deegaanka ka xog waraysatay tacadiyadii kooxdu ka geysatay deegaanka iyo isbeddelka nololeed ee bulshadu mahadisay ka dib markii dhowaan halkaas Ciidanka xoogga oo kaashanaya kuwa dib u xoreynta deegaanku ka xoreeyeen kooxda khawaariijta.
Cabdisalaan Macalin Maxamuud oo ka mid ah ciidanka deegaanka ayaa waraahinta qaranka uga waramay tacadiyadii khawaariijtu ka geysteen Tuulada Cali Ganey”deegaanka dhibaatooyin xun xun ayey khawaariijtu ka geystay,halkan geedkan maalin maalmaha ka mid ah waxay ku dileen wiil dhalinyaro ah o Cabdi la odhan jiray,wuxuu ahaa darawal baabuur nolol maalmeedkiisa kala soo baxa balse khawaariijta ayaa nolosha u quuri waysay”waxa jiray yar kale oo ay qaraabo ahaayeen Cabdi oo la joogay markay tooganayeen isagana inta ay so qabteen ayey irbad sun ah ku dileen waxay na amreen in aan loo tegi Karin.
Cabdisalaan ayaa warbaahinta qaranka u sheegay in aan kooxda Khawaarijtu deegaanka ka qaadan jirin waxa ay ugu yeeraan sakaawaadka sababtuna tahay dadka deegaanka oo kala hor yimid iska cabin taas oo gaarsiisanad in khawaariijta iyo dadka deegaanka hadba kii aragtida ku horeeyaa xabadana ku horayn jiray taas oo meesha ka saartay haba yaraatee in wax wada hadal iyo heshiis ah dhex marro kooxda khawaariijta iyo dadka deegaanka.
Kooxda khawaariijta ayaa intii ay deegaanka haysteen waxay xireen goobihii cibaada iyo goobihii waxbarashadda,khawaariijta ayaa sidoo kale deegaankan ka geystay afduub shacab sida uu warbaahinta qaranka u xaqiijiyey oday Sabriye Cabdi Faarax oo ka mid ah odayaasha deegaanka”halkan ayey maalin ramadaan an nagu qabteen dadkii ayey soo wada saareen laf qabiil ah ayey si gaar ah u beegsadeen waxay wateen 12 nin oo isku qabiil ah,tacadi ayey nagu sameeyeen waa na dabreen waana gaajaysiiyeen waa na jirdileen”sida uu sheegay oday Sabriye waxa kale oo jira dad ay afduubteen oo weli la haynin raq iyo ruux meel ay geeyeen.
Dadweynaha deegaanka ayaa sheegay in ay si weyn u soo dhoweeyeen ciidanka qaranka iyo kuwa deegaanka iyagoo dhinaca kale xusay in ay maanta nabad iyo xoriyad haystaan diyaarna u yihiin in ay wax walba u hurayaan sidii deegaanada looga cirib tiri lahaa kooxaha khawaariijta ee ku dhuumaalaysanaya qaybo kooban oo ka mid ah gobolka Hiiraan.
