Muqdisho(SONNA):-Guddoomiye ku xigeenka koowaad ee Aqalka Sare, Mudane Cali Shacbaan Ibraahim oo uu wehliyo Guddoomiye ku xigeenka labaad, Mudane Cabdullaahi Cali Xersi (Timacadde) ayaa maanta shir guddoomiyay kalfadhiga labaad kulankiis 10-aad.
Ajandaha kulanka ayaa waxa lagu guddoomay laba hindise sharciyeed oo kala ah.
1. Akhrinta koowaad ee Hindise Sharciyeedka Korontada Qaranka
2. Akhrinta Kowaad ee Hindise Sharciyeedka Hey’adda Nabad Sugidda iyo Sirdoonka Qaranka.
Wasiirka Wasaaradda Tamarta iyo Khayraadka Badda Jaamac Taqal Cabaas iyo Wasiir Dowlaha Wasaarada Amniga Maxamed Cali Xagaa, ayaa Sanatarrada Aqalka Sare u faahfaahiyay muhiimiyadda labadaas sharci oo ay golaha hor keeneen
Guddoomiye Cali Shacbaan Ibraahim oo maanta kulanka shir guddoomiyay ayaa faray guddiyada golaha ee shaqada labadaas sharci u xilsaaran in ay la wareegaan sharciyadaas kana soo shaqeeyaan.
