Muqdisho (SONNA0:- Deegaanno muddo dheer aysan Maankooda galin Khawaarijta in mar uun loogu imaan karo ayay geesiyaasha ciidanka qaran u daateen, waana xisaab tira beel ah xubnaha Khawaarijta ee nafta la dhaafiyay ayagoo jiqaya dhigga shacabka.
Marka laga soo tago xubnaha Khawaarijta ah oo ay soo qaldeen Horjoogayaasha duurka ku jira ee iska qariya Bulshada, waxaa sidoo kale xanuunka geerida dhadhamiyay kuwa ay naadir la ahayd in xogtooda la helo, iskaba daa in la arko. Horjoogayaasha loo dhameeyay waxaa ka mid ahaa Cabdullahi Naadir dhaxal sugihii horjoogaha Khawaarijta, Abuu Cabdiraxmaan horjoogihii Khawaarijta ee Gobalka Banaadir iyo xubno kale.
Kuwa kale ayaa nolosha lagu soo qabtay, ayagoo baxsad ah, halka kuwa qaarna ay isku soo dhiibeen dowladda markii ay arkeen in jidkii ka soo xirmay waana ka mid ah Horjooge Mohamed Macalin Xasan oo magaciisa Afgarashada uu yahay Xudayfa.
Horjoogayaasha ku daac daacsan jiray dhiigga shacabka Soomaaliyeed, ayay hadda cabsi wayn la soo daristay, waxaana la sheegayaa in deegaannada qaar ay ka qaxeen, sida uu qabo Cabdullaahi Maxamed Xasan oo loo yaqaano Abuu Ayaan, Aqoon udursana u leh Al-Shabaab.
Dowladda Soomaaliya waxaa ka goโan in dagaalka ka dhanka ah Khwaarijta uusan hakan, ilaa guud ahaan dalka laga ciribtirro Khawaarijta halista ku ah dalka iyo diinta.
Hadaba muxuu ku danbayn doonaa Mustaqbalka Horjoogayaasha Khawaarijta.
Tan iyo markii Madaxweyne Xasan Sheekh Maxamuud uu ku dhawaaqay dagaalka ka dhanka ah Khawaarijta waxaa gacanta ciidanka xoogga dalka Soomaaliya soo galay deegaanno muddo dheer aysan maankooda galin Khawaarijta in mar loogu imaan karo ayay geesiyaasha ciidanka qaran u daateen, waana xisaab tira beel ah xubnaha Khawaarijta ee nafta la dhaafiyay ayagoo jiqaya dhiiga shacabka.
Waxaa laga xorreyay magaalooyin iyo tuulooyin waaweyn oo ka tirsanaa Hir-shabeelle, waxaa xor ah hadda oo la isugu gudbi karaa magalooyinka Jowhar, Balcad, Mahadaay, Cadale, Warshiikh, Raage-Ceele, Aadan Yabaal iyo Ruun-Nirgood oo ah degmadii ugu dambeeyay ee lagu xorreeyo khawaarijta ee gobalka Shabeelada dhexe.
Waxaa sidoo kale laga xoreeyay degmooyin ka tirsan gobalka Hiiraan sida Ceel Hareeri,Moqokori,Buulaburte Matabaan iyo Yasooman oo ah dhul aad u baaxad wayn oo ka tirsan gobalka Hiraan, waxaa laga saaray degmooyin ka tirsan Galmudug sida Wabxo, Wisil iyo deegaanno kale oo ka tirsan Galmudug,waxaana maalmaha soo socdo laga ciribtiri doonta degaannada fara ku tiriska ay ka joogaan Galmudug iyo gobolada dalka.
