Caabud-waaq (SONNA) Wararka naga soo gaaraya magaalada Caabud-waaq ee Gobolka Galgaduud ayaa sheegaya in halkaasi ay shil ku gashay diyaarad kamid ah kuwa qaada Jaadka geeya degmadaasi.
Maamulka Garoonka Diyaaradaha ee degmada oo la hadlay Warbaahinta Qaranka ayaa sheegay in diyaaradda waxyar uun ka dib markii ay soo caga-dhigatay in ay jiirtay geedo ku yaalla gagida diyaaradaha.
Sida ay xaqiijiyeen maamulka, ma jiro wax khasaare ah dhimasho iyo dhaawac ah oo ka dhashay shilkan, balse waxaa burburay qeybo kamid ah Diyaaradda.
