Maamulada Ciidamada Howlgalka Midowga Afrika ee (AMISOM) iyo Ciidanka Xoogga Dalka Soomaaliyeed (SNA) ayaa sheegay in ay ka go’an tahay kor u qaadista isku dubaridka howlgalada milatari ee wadajirka ah si looga hortago qatarta ka imaaneysa argagixisada Al-Shabaab.
Taliyaha ciidamada AMISOM Diomede Ndegeya, taliya Ciidamada Dhulka ee xoogga Abas Amin Ali, iyo saraakiil laba dhinac ah ayaa khamiistii, isku raacay muhiimad ahaan in la dhiso unug isku duwa howlgalada looga horjeedo kooxaha nabad-diidka ah.
