Khaartuum (SONNA) Safiirka Jamhuuriyadda Federaalka Soomaaliya u fadhiya dalka Suudaan Mudane Maxamed Sheekh Isxaaq ayaa kulan la yeeshey wasiiru dowladda wasaaradda Arrimaha dibadda Dalkaasi,ahna sii haayaha xilka wasaaradda.
Danjire Maxamed Sheekh Isxaaq wakaaladda (SONNA) la xiriirtay ayaa sheegay in uu kala hadlay wasiiru dowlaha arrimaha dibadda dalkaasi Suudaan Dr Cumar Qamarudiin sidii loo xoojin lahaa xiriirka ka dhexeeya labada dal Soomaaliya iyo Suudaan.
โWaxaan saakay xafiiskiisaย wasaaradda arrimaha dibadda kula kulmay wasiiru dowlaha wasaaradda Arrimaha dibadda ee dalkan Suudaan,ahna siihayaha xilka wasiirka,waxaana aan kala hadlay sidii loo dar dar gelin lahaa adkeynta xiriirka labada dal ka dhexeeyaโ. Ayuu yiri Danjire maxamed Sheekh Isxaaq.
Wuxuu sidoo kale ugu hambalyeeyey dowladda Suudaan dowrkeedi ku aadan dadaalada nabadeeda ee jabhadaha ku dagaalamayay Koonfurta Suudaan,iyadoo dowladaha IGAD oo Soomaaliya ay ku jirto ay ka qeybgali doonaan munaasbadda saxiixa heshiiskaas.
Dhanka kale safiirka Soomaaliya ee Suudaan ayaa ka hadlay arrimo la xiriiray qarashaad dowladda Suudaan ay ku soo rogtay dhanka sharciga joogitaanka dalkaasi,taasi oo Soomaalida saameyn ku yeelatay goor hore,wuxuuna xusay in lagu guuleystay xalinta arrintaasi.
