Muqdisho(SONNA)-Tirada dadka uu ku dhacay cudurka saf-marka ah ee Coronavirus (Covid-19) guud ahaan caalamka ayaa ka sara martay 7 milyan oo ruux, iyada oo Latin America ay hadda tahay meesha dhimasha badan uu ka gaysanayo.
Waxa cudurka u dhintay in ka badan 400,000 caalamka oo dhan halka 3,477,104 ruux ay ka soo bogsatay, balse cudurka ayaa hadda waxa uu fara ba’an ku hayaa dalalka Brazil, Mexico ilaa Peru oo Latin America ah.
Brazil waa dalka 3-aad uga dhimashada badan marka laga soo tago Mareyka, Ingiriiska, waxa uuna ka dilay sidan: Mareykanka 112,477, Ingiriiska 40,542 halka Brazil-na uu ka dilay dad dhan 37,312
Waxa xusid mudan in dalal badan ay horumar ka sameeyeen dadaalada lagu xakamaynayo cudurka, mana jiraan tiro hor leh oo badan oo laga diiwaan gelinayo hadda, sidoo kale waxaa dib loo furayo ganacsiga, isu socodka, waxbarashada iyo duulimaadyada caalamiga.
Dalkeena hooyo, Soomaaliya waxa cudurkan saf-marka ah ee Coronavirus ku dhacay 2,334 xaaladood, waxana u dhintay 83 ruux halka 441 ruux kale ay ka bogsadeen sida ay xaqiijisay wasaarada caafimada dawladda Federal-ka Soomaaliya.
Isha: SONNA
