Wasiirka Gaashaandhiga Xukuumadda Faderaalka Soomaaliya mudane Xasan Cali Maxamed ayaa sheegay in Wasaaraddu ay dhisayso xarumo cusub oo ay ciidanka xooga dalka ku yeelan doonaan deegaannada Dowlad Goboleedyada dalka ee qeybta ka mid ah dowladda Federaalka Soomaaliya.
Mudane Xasan Cali Maxamed Wasiirka Dicaafa ee dalka oo wareysi gaar ah siiyay Radio Muqdisho ayaa sheegay in Wasaaraddu ay ka goโantahay dhismaha ciidanka qalabka sida, ayna qorsheynayaan dhismaha xarumo cuusb oo laga hirgelinayo gobollada dalka,
โXaqiiqdii dib u habeynta ciidanka lagu sameeyay iyo kaalmada la siiyo ciidanka xoogga dalka, waxay fursad noo siisay in 18-ka bishan aan dhisno xarun cusub oo ay yeelanayaan qeybta 60aad ee ciidanka xoogga dalka iyo in aan dhagax dhigno xarumo kale oo horleh oo aan ka hirgelineyno dowlad goboleedyada oo ay ugu soo horeyso Hirshabeelle, waxaana soo gaarnay marxalad lagu faani karo ciidanka xoogga dalkaโayuu yiri Wasiirka gaashaandhigga dalka.
Wasiirka difaaca ee Soomaaliya ayaa mar uu ka hadlayay ciidamada xoogga dalka ee ka howgalla Gobolka Gedo ayuu ku sheegay inay gudanayaan waajibaadka ciidanka ka saaran difaaca waddanka, isla markaana ay keentay in halkaasi ciidanka loogu diro baahi jirto awgeed.
โCiidanka xoogga dalka waxaa saaran waajibaad ah difaaca cirka, badda iyo dhulka, dhulkana waxaa ka mid ah waajibaadka ciidanka xooggu loo xilsaaray, ciidanka waajibaad ayay leeyihiin oo ay u madax banaantahay Wasaaradda difaaca, Taliyaha ciidanka xoogga dalka uu u madax banaanyahay, waxaana ciidanka loo dirayaa meeshi ay baahi ka timaado, maamul goboleedyadana ma quseyso arrimaha ciidanka xoogga dalka.โ Ayuu yiri Wasiir Xasan Cali Maxamed.
