In ka badan 60 qof ayaa lagu soo warramayaa in lagu dilay Qaza tan iyo aroornimadii shalay, waxaana weli isa soo taraya khasaaraha ka dhashay weerarrada ay Israa’iil ku qaadday dhulka Falastiin.
Difaaca madaniga ah ee Falastiiniyiinta iyo dhakhaatiirta ayaa sheegay in 12 qof oo isku qoys ah oo ku nool waqooyiga Gaza ee Jabalia ay ka mid ahaayeen kuwa lagu dilay weerarrada Israel.
Wasaaradda caafimaadka ee Gaza ayaa ku warrantay in 1,978 qof ay hadda dhinteen 5,207 kalena ay dhaawacmeen tan iyo markii Israa’iil ay jebisay xabbad joojintii ay la gashay Xamaas March 18, 2025.
Xafiiska Warbaahinta ee Xukuumadda Gaza ayaa xaqiijiyay dhimashadeeda in ka badan 61,700, iyagoo oo sheegay in kumannaan qof oo lagu la’yahay burburka hoostooda loo malaynayo inay dhinteen.
