Addis Ababa(SONNA):-Wasiirka Caafimaadka iyo Daryeelka Bulshada Xukuumadda Federaalka Soomaaliya, Dr. Ali Haji Adam, ayaa kulan muhiim ah la qaatay Marwo Mafalda Duarte, Agaasimaha Fulinta Sanduuqa Cagaaran ee Cimilada iyagoo ka wada hadley sidii diiradda lagu saari lahaa taageerada dhinaca Caafimaadka ee isbadalka cimilada.
Marwo Mafalda Duarte ayaa tilmaantay in kulankan uu albaabada u furi doono taageerada sanduuqa ee Caafimaadka Soomaaliya, taasoo ka tarjumaysa muhiimadda ay leedahay in la xoojiyo iskaashiga u dhexeeya Soomaaliya iyo sanduuqa.
Wasiirka ayaa dhankiisa rajeeyay in kulankani uu noqdo bilow cusub oo taageero Caafimaad oo wax ku ool ah, si loo horumariyo Caafimaadka bulshada Soomaaliyeed oo ku jira geediga isbadalka horumarineed ee Caafimaadka loo dhanyahay.
