Muqdisho (SONNA):- Wasiirka Arrimaha Dibadda iyo Iskaashiga Caalamiga, Danjire Axmed Macallin Fiqi, ayaa maanta oo Isniin ah ku qaabilay xafiiskiisa Wasaaradda ee Caasimadda Muqdisho, Safiirka Jamhuuriyadda Turkiga aanu walaalaha nahay u qaabilsan Jamhuuriyadda Federaalka Soomaaliya, Mudane Alper Aktaş, oo booqasho sharafeed ugu yimid.
Kulanka ayaa diiradda lagu saaray sidii loo xoojin lahaa xiriirka laba geesoodka ah ee Soomaaliya iyo Turkiga, iyadoo la adkaynayo ballaarinta iskaashi wadaagga, lana kobcinayo wax wadaagga istaraatiijiyadeed ee nacfiga u leh labada dal.
