Wasaaradda Caafimaadka oo Bulshada fartay in ay ka qeyb qaataan ka hor taga faafitaanka COVID19.

MUQDISHO (SONNA)- Wasaaradda Caafimaadka Soomaaliya ayaa ugu baaqday Bulshada in ay ka taxaddaraan faafitaanka Corona Virus oo mar kale laga cabsi qabo wareegiisii saddexaad in uu ka bilowdo Soomaaliya.

Qoraal ay Wasaaraddu ku daabacday boggeeda Facebook-ga ayaa lagu yiri:-

“Ka hortaga Caabuqa Covid-19 waa masuuliyada nawada saaran, fadaln ka ilaali naftaada, qoyskaaga iyo Bulshadaada Caabuqa Covid-19. Si aan uga hortagno faafidda Caabuqa Covid-19, dhamaanteen aa dhaqan galino talooyinka caafimaad ee ka hortaga Caabuqa Covid-19, sida ku cad jaantuska hoose.”