Cabudwaaq. (SONNA):- Masuuliyiin ka tirsan maamulka Caabudwaaq ee gobolka Galgaduud ayaa ka qeyb galay furitaanka tartanka koobka kooxaha horyaalka heerka koobaad ee degmadda Caabudwaaq oo shalay galab ka furmay magaalada.
Kooxaha Sister Foundation iyo kooxda Jaamacada Umadda Soomaaliyeed ee JUS ayaa lagu daahfuray tartanka koobka kooxaha horyaalka heerka koobaad ee degmadda Caabudwaaq. Ciyaartaan ayaa ku soo dhamaatay bar bardhac Sister Foundation iyo JUS 0-0.
Furitaanka tartanka ciyaareedkaan waxaa ka qeyba galay Xildhibaano ka tirsan gollaha deegaanka Caabudwaaq,maamulka ciyaaraha degmadda,taliyaha Booliiska saldhigga Caabudwaaq, guddoomiyaha Naadiga ardayda Jaamacadda Ummadda Soomaaliyeed ee Muqdisho,guddoomiyaha Naadiga ardayda Jaamacadda Ummadda faraceeda Galmudug, ardeyda Jaamacadda iyo boqolaal shacabka lixda xaafaddood ee degmadda Caabudwaaq.
