Muqdisho: (SONNA) Taliyaha Ciidanka Dhulka XDS Janaraal Sahal Cabdullaahi Cumar ayaa dhiirigelin ugu tagay geesiyaasha xaq u dirirka deegaanka Nuur-dugle ee gobolka Shabeellaha Dhexe si loo amba qaado dardargelinta dagaalka ka dhanka ah Khawaarijta.
Sarreeye Guuto Sahal Cabdullaahi Cumar ayaa geesiyaashaan kula dardaarmay in ay laba jibbaaraan dagaalka cadowga lagu ciribtirayo ee dalka ka socda gaar ahaan deegaannada Hirshabeelle ,waxaana uu u ballan qaaday in uu ku garab istaagi doono saad iyo saanad kasta oo ay u baahan yihiin.
Gobalka Shabellaha Dhexe xiligaan waxaa ka soconayo howlgalo culus oo Argagixisada jab lagu gaarsiiyay iyadoo geesiyada is garabsanaya eey ku guuleystay iney dilaan Maleeshiyaad iyo Horjoogayaal dhowr ah oo ka mid ah Qawaarijta.
