RASMI: Bile Muxudiin Buraale oo ka tagay Gaadiidka kuna biiray kooxda cusub

La wadaag cid kale

Muqdisho (SONNA)- Xiddiga lagu magacaabo Bile Muxudiin Buraale ayaa Saakay si rasmi ah ugu biiray Kooxda kubadda cagta Jaalayasha ee Elman.

Laacibkan ayaa kooxda Elman ugu soo biiray naadiga Gaadiidka isagoo waqti fiican la soo qaatay, wuxuuna ka mid ahaa kooxdan Gaadiidka xiddigii matalay koobkii General Daa’uud ee xilli ciyaareedkan.

Bile Muxudiin Buraale ayaa dhowr kooxood hore u soo maray, waxaana ka mid ahaa Dekedda, Saxafi FC, Madbacada Qaranka, Heegan, Muqdisho City Club iyo Gaadiidka oo ah kooxdii ugu dambeysay uu u dheelo ka hor inta uusan maanta ku soo biirin Elman.

Kooxda Elman ayaa maanta waxay ku soo bandhigtay joog dheer Bile Muxudiin Buraale xerada tababarka, isagoo kooxdan Elman u xiran doono lambarka 27-aad.

Ciyaaryahan Bile Muxudiin Buraale waxaa lagu tiriyaa mid ka mid ah weeraryahanada ugu wanaagsan dalkeenna, isagoo ku wanaagsan dhalinta goolasha iyo dhammaystirka kubadda sare.

La wadaag cid kale