Muqdisho(SONNA):-Madaxweyne Xasan Sheekh Maxamuud ayaa ku dhawaaqay qorshaha hal dollar dalkaaga ku daafac qorshahan ayaa ah mid muwaadiniinta Soomaaliyeed kaga qayb qaadanayan sidii muwaadiniinta Soomaaliyeed meel kasta oo ay joogaan kaga qayb noqon karaan dib u xorraynta, Madaxweynaha ayaa qorshahan kaga dhawaaqay mar uu ka qeyb galayay kulan ay soo qaban qaabiyeen bulshada Soomaaliyeed ee ku nool Qaarada Yurub kuna taageerayeen dagaalka ka dhanka ah khawaarijta ee xiligaan ka socda inta badan gobolada dalka.
Madaxweynaha Xasan Sheekh ayaa ugu baaqay Soomaalida ku nool dalka dibaddiisa inay qeyb weyn ka qaataan oo dhaqaalo ku taageeraan dagaalka dalka looga saarayo kooxda khawaarijta oo mudda dheer dhib ku heysay shacabka Soomaaliyeed.
Muwaadiniinta Soomaaliyeed ee kulanka kaoo qayb galay ayaa isla madasha dhexdeeda kaga jawaabay baaqa Madaxweynaha iyagoo cadeeyey in ay taaheero buuxda la garab taagan yihiin Madaxweynaha iyo qorshaha dalka looga xoraynayo kooxaha khawaariijta,Fahmo Maxamed Cumar oo ka mid ahayd qurbejoogta madaxweynaha hortiisa kaga jawaabtay baaqa madaxweynaha ayaa tiri”sababta aan uga qayb qaadanayo qorshaha dib u xorraynta dalka iyo baaqa madaxweynaha wax aad og tihiin in 15-kii sano ee ugu dambeeyey dalkeena khawaariijta dhibaato xun ku haysay,shacabka reer baadiyaha ah khawaariijtu ka dhacaysay xoollaha dil ugu daraysay taas ayaa I damaqday waxnan gartay inaan hormuud ka noqdo qorshaha difaaca dalka”Madaxweyne Xasan ayaa ka dhabeeyey balanqaadkiisii ololaha doorashada kaas oo ahaa inuu khawaariijta dalka ka xorayn doono.
Dhinaa kale qurbejoogta kasoo qayb gashay kulanka ayaa Madaxweynaha ku boorriyey inuu sii laba jibaaro hawlgalka dib u xoraynta dalka iyagoo dhinaca kale ku hambalyeeyey faramaha hore ee dagaalka oo madaxweynuhu booqday.
Wasiirka warfaafinta dowlad goboleedka galmudug Axmed Shire Falagle oo la hadlay Radio Muqdisho hambalyeey qorshaha hal dollar ku daafaco dalkaaga isagoo shacabka Soomaaliyeed ugu baaqay in ay ka qayb qaataan’qorshahan wuxuu noqon karaa qorshe qaran oo dalka looga xoreeyey kooxaha khawaariijtam,wuxuu sidoo kale qayb weyn ka qaadan karaa qorsheyaasha dib u dhiska iyo xasilinta dalka”ayuu yiri wasiir Falagle.
