Ruunnirgood (SONNA): Wasaaradda tamarta iyo khayraad biyaha dowladda FS oo kaashanaysa Hay’adda UNICEF iyo shirkada Dalsan Construction ayaa dayactir balaaran ku sameeyay Ceel-biyoodka deegaanka Daaru-nimca oo hoosyimaad dagmada Ruunnirgood ee gobolka Shabeellaha Dhexe.
Guddoomiyha deegaanka Daarunimca Cabdi Taakow Qodoxow ayaa u mahadceliyay wasaaradda tamarta iyo khayraadka biyaha dowladda FS iyo Hay’adda UNICEF oo ka soo jawaabay baahida dadka deegaanka isla markaasna u dayactiray Ceel-biyoodka deegaanka oo baahi weyn ay u qabeen.
Dadka deegaanka Daaru-nimca ayaa siweyn ugu mahadceliyay wasaarrada iyo hay’adda UNICEF iyaga oo sheegay in ay baahi weyn u qabeen Ceel-biyoodkan.
Wasaaradda Tamarta iyo khayraadka biyaha ayaa dadaal ugu jirta in ay dadka deegaannada miyiga ah dagan gaarsiiso biyo nadiif ah.
