Kampala (SONNA): Shir looga hadlayo tacliinta sare ee Urur goboleedka Iskaashiga Dhaqaalaha Bariga Afrika (EAC) ayaa maanta si rasmi ah uga furmay magaalada Kampala ee dalka Uganda.
Danjiraha Soomaaliya ee Uganda Fardowsa Maxamed Qanyare oo ay wehelinayso Wasiiru-dowlaha Wasaaradda Waxbarashada, Hidaha iyo Tacliinta Sare ee Xukuumadda Federaalka Soomaaliya, Marwo Nuura Mustafe Mukhtaar, ayaa ka qayb galay furitaanka shirkaas.
Shirka oo socon doona muddo saddex maalmood ah ayaa diiradda lagu saaray sidii dalalka xubnaha ka ah EAC ay isku furi lahaayeen dhinaca waxbarashada sare, loona xoojin lahaa iskaashiga tacliimeed ee gobolka.
Sidoo kale, waxaa xoogga lagu saaray sidii loo dejin lahaa istaraatiijiyad mideysan oo ay dalalka ururkaasi ku wajahaan horumarinta waxbarashada sare.
